Eldi Çondi

Eldi Çondi
Mban pozicionin e Drejtorit të Kabinetit të Ministrit të Financave që prej datës 1 Gusht të vitit 2024.
Z. Çondi ka përfunduar studimet në degën “Administrim Biznesi” dhe ka një diplomë të dyfishtë nga Universiteti i New York-ut në Tiranë, si dhe nga State University of New York Empire State College.
Karrierën e tij profesionale e ka nisur në vitin 2006 në një kompani globale të telekomunikacionit që operon në Shqipëri, ku për gati 13 vite ka fituar përvojë të gjerë në menaxhim strategjik, operacione dhe drejtim korporativ. Më pas, për dy vite ka ushtruar detyrën e Drejtorit të Përgjithshëm Ekzekutiv (CEO) të një kompanie vendase në sektorin e tregtisë dhe shpërndarjes, duke drejtuar zhvillimin e biznesit, rritjen e eficiencës operacionale dhe iniciativat e zgjerimit.
Në sektorin publik, z. Çondi ka mbajtur disa pozicione drejtuese të nivelit të lartë. Ai ka shërbyer si Drejtor Ekzekutiv i Sekretariatit Teknik të Këshillit Kombëtar Ekonomik, ku ka koordinuar iniciativa të politikave ekonomike dhe ka mbështetur proceset e vendimmarrjes ndërinstitucionale. Gjithashtu, ka qenë Shef Kabineti i Ministrit të Shtetit për Mbrojtjen e Sipërmarrjes, duke udhëhequr iniciativa për nxitjen e sipërmarrjes dhe thjeshtimin e kuadrit rregullator. Përveç kësaj, ka shërbyer si Këshilltar Ekonomik i Zëvendëskryeministrit.
Gjatë gjithë karrierës së tij, z. Çondi ka treguar një angazhim të fortë ndaj shërbimit publik, duke kombinuar ekspertizën e sektorit privat dhe atij publik për të kontribuar në zhvillimin ekonomik dhe forcimin e qeverisjes në Shqipëri.
Z. Çondi është i martuar dhe ka një djalë.

E-mail: Eldi.Condi@financa.gov.al