Erjona Bejleri (Çela)

Znj. Erjona Bejleri (Çela) ka lindur në Berat më 2 Maj 1978 dhe prej datës 11 Mars 2025 mban postin e Zëvendësministres së Financave.
Ajo ka përfunduar studimet e larta në vitin 2002 në degën Ekonomi pranë RUDN University, Moskë dhe zotëron një diplomë Master në Administrim Biznesi nga Fakulteti Ekonomik, Universiteti i Tiranës. Për të forcuar ekspertizën e saj profesionale, ka ndjekur disa programe studimore dhe trajnime lidershipi në Vienë, Athinë dhe Budapest.
Me një karrierë 23-vjeçare në sektorin bankar, Znj. Bejleri (Çela) ka mbajtur pozicione drejtuese për më shumë se 15 vjet në disa prej institucioneve financiare më të rëndësishme në Shqipëri si Raiffeisen Bank dhe Alpha Bank Albania ku ka qenë edhe Anëtare e Bordit Ekzekutiv duke luajtur një rol kyç në strategjinë financiare dhe rritjen e qëndrueshme të institucionit.
Në Nëntor 2024, Znj. Bejleri (Çela) u emërua Administratore e Agrokredit sh.a, një institucion financiar që mbështet me financim sektorin bujqësor dhe zhvillimin ekonomik të zonave rurale, suburbane dhe turistike.
Gjatë karrierës së saj, Znj. Bejleri (Çela) është dalluar për aftësitë e saj drejtuese, duke menaxhuar me sukses ekipe të mëdha dhe duke udhëhequr transformime strategjike në sektorin financiar.
Znj. Bejleri (Çela) është e martuar dhe ka dy fëmijë, Roan dhe Keitlin.